Connect with us

News

100 ditë me Hotin!

Published

on

Ditë më parë janë bërë edhe zyrtarisht 100 ditë qëkur Lidhja Demokratike e Kosovës (LDK) mori udhëheqjen e Qeverisë.

Për këtë periudhë të kaluar, kryeministri i Kosovës, Avdullah Hoti, ka thënë se në 100 ditët e para të qeverisë që udhëheqë ai, Kosova ka dalë nga izolimi.

Shefi i qeverisë aktuale ka deklaruar se Kosova tashmë është rikthyer në Shtëpinë e Bardhë, në Bruksel dhe në selinë e NATO-s.

“Pas një devijimi disavjeçar, e kemi kthyer Kosovën prapë në rrugën e integrimit euro-atlantik. E gjithë kjo është arritur pa shpenzuar miliona për lobim, por me përkrahjen e miqve, duke i bindur se kjo qeveri është serioze karshi zotimeve të veta, me vendimmarrje bazuar në ligje dhe Kushtetutë, e jo interesa parapolitike”, ka deklaruar Hoti.

Opozita në Kosovë 100 ditshin e Qeverisë Hoti e konsideron si të rëndë për Kosovën. Madje, këta të fundit thonë se ky ishte 100 ditshi i zisë për vendin dhe qytetarët e saj.

Kurse, për dallim nga opozita, njohësit e rrethanave politike vlerësojnë se Qeveria Hoti për 100 ditët e qeverisjes së saj ka pasur sukseset e saja për aq sa ka pasur mundësi të punës, për shkak të rrethanave të krijuara.

Deputeti i Vetëvendosjes: 100 ditë zie për vendin dhe qytetarët e saj

Image

Dimal Basha

Deputeti i Kuvendit të Kosovës, nga radhët e Lëvizjes Vetëvendosje, Dimal Basha, në një prononcim dhënë gazetës “Bota sot”, ka thënë se Qeveria Hoti është ardhur me uzurpim ilegale në këtë pozitë.

Basha për gazetën i ka renditur disa nga dështimet e kësaj qeverie.

“Duke filluar me uzurpimin ilegal të Qeverisë Kurti, në keqmenaxhimin e pandemisë me tani gati 500 të vdekur, e deri te dështimi në politikën e jashtme”, janë këto disa nga dështimet e kësaj qeverie sipas deputetit të opozitës.

Ai 100 ditët e para të Qeverisë Hoti i quan si të zeza, kurse shprehet se kjo periudhë do të mbahet mend gjatë nga qytetarët e Kosovës.

“100 ditët e Qeverisë Hoti do të mbahen mend si 100 ditë zie për vendin dhe qytetarët e saj”, ka theksuar deputeti i Kuvendit të Kosovës, nga radhët e Lëvizjes Vetëvendosje, Dimal Basha, për gazetën “Bota sot”.

Burjani: Raportet më të mira ndërkombëtare – zhvillimi ekonomik i stagnuar

Image

Blerim Burjani

E, për dallim nga Vetëvendosje, njohësit e politikës pozitive e shohin përmirësimin e raporteve me partnerët ndërkombëtarë.

Analisti Blerim Burjani në një prononcim dhënë gazetës “Bota sot”, ka thënë se përgjatë kësaj periudhe ekonomia e vendit ka stagnuar. Derisa, shprehet se ka zvarritje të mëdha edhe rreth ndryshimit të ligjit për kontributet.

“Raportet më të mira ndërkombëtare me partnerët, dhe aprovimi i buxhetit. Tema tjera për momentin edhe nuk ka. Zhvillimi ekonomik i stagnuar shumë për shkak pandemisë, zvarritja e madhe e ndryshimit të ligjit për kontributet për të tërheqë qytetarët. Mungesa e trajtimit te kategorive plotësisht të varfra në kohë pandemie, mungesa e reformimit të arsimit universitar, për ketë të fundit as mendja nuk i ka shkuar”, është shprehur Burjani.

Burjani kritik paraqitet edhe më mënyrën se si është menaxhuar pandemia Covid-19 nga Qeveria Hoti, gjersa shprehet se ka mundur të menaxhohet më mirë kjo çështje.

“Pra ka disa përparësi që është dialogu, të tjerat janë në stagnim. Pandemia mund të menaxhohet më mirë edhe kështu është më mirë”, ka deklaruar njohësi i politikës në vend, Blerim Burjani, për gazetën “Bota sot”.

Haziri: Qeveria Hoti për 100 ditët e qeverisjes së saj ka pasur sukseset e saja

Image

Nexhat Haziri

Kurse, analisti politik, Nexhat Haziri, në një bisedë për gazetën “Bota sot”, ka thënë fjalë të mira për shefin e qeverisë aktuale.

Haziri konsideron se kjo qeveri ka pasur sukseset e saja për aq sa ka pasur mundësi të punës, për shkak të rrethanave të krijuara.

“Mund të themi se qeveria Hoti për 100 ditët e qeverisjes së saj ka pasur sukseset e saja për aq sa ka pasur mundësi të punës për shkak të rrethanave të krijuara sidomos nga pandemia e cila ka reduktuar në një masë jot ë vogël edhe punën dhe aktivitet e institucioneve të ndryshme shtetërore, pra edhe të qeverisë Hoti”, ka thënë fillimisht Haziri.

Për Hazirin, një prej sukseseve është edhe kthimi në normalitet i raporteve të Kosovës me partnerët ndërkombëtar, gjë të cilat, ai shprehet se i dëmtoi ish-kryeministri i qeverisë së kaluar, Albin Kurti.

“Një nga sukseset e qeverisë Hoti, konsideroj se është kthimi në normalitet i raporteve të Kosovës me partnerët ndërkombëtar siç janë SHBA dhe vendet e BE, pas një periudhe tensionesh dhe krizash që krijoi ish-qeveria Kurti sidomos me SHBA-n që qoi gati në izolim të vendit. Procesi i dialogut me Serbinë,sidomos takimi i Uashington dhe rezultatet që prodhoi ky takim me përfaqësimin e vendit nga kryeministri Hoti. Pra, në rrethanat aktuale ku e gjithë bota po ballafaqohet me pandeminë Covid-19 dhe pasojat e saja në shumë sektorë, nuk është se ka mundur të bëhet diçka më shumë, por përparimet janë të dukshme, edhe pse ka një dinamikë të ngadaltë”, tha ai.

Në fund, ai thekson se sukses i kësaj qeverie është edhe menaxhimi i situatës me Covid-19, strategjia për rimëkëmbje ekonomike dhe të përfaqësimit të vendit nga kryeministri Hoti, të cilin e portretizon si një kryeministër i pashantazhuar, unifikues dhe jo përçarës, me kredibilitet moral e politik, i guximshëm në vendime.

“Po ashtu si një sukses i qeverisë Hoti është menaxhimi i situatës me Covid-19, strategjia për rimëkëmbje ekonomike dhe të përfaqësimit të vendit nga kryeministri Hoti, është e arritura më e madhe e kësaj qeverie, pasi Kosova po përfaqësohet nga një kryeministër i pashantazhuar, unifikues dhe jo përçarës, me kredibilitet moral e politik, i guximshëm në vendime dhe veprime që deri më tani janë të dëshmuar se kanë qenë apo janë në interes të Kosovës”, tha krejt në fund, analisti politik Nexhat Haziri, për gazetën “Bota sot”.

Continue Reading

News

Berisha: Nga publikimi i dosjeve do pësojnë të akuzuarit, mund të kenë ardhur nga Serbia

Published

on

Hisen Berisha, ish komandant i UÇK-së tha se nga publikimi i dosjeve do të pësojnë figurat e larta që do gjykohen nga Specialja.

Sipas Berishës dosjet duhet të ishin në sirtarët e Hagës.

“Dosjet duhet supozuar dhe është ashtu, nësa ka institucion në Hagë, është dashtë të jetë diku në sirtarët e Tribunalit Special në Hagë, s’kanë guxu të jenë të lira napër tavolina, nëse nuk kanë qenë atje, për mua vetëm në Beograd kanë mujt me kanë tjetër kund jo. Në qoftëse dosjet ishin në Hagë janë krijuar si akuza nga raporti i Dick Martyt, raporti i Matryt është ndërtuar mbi deponimet e prokurorëve serb dhe krejt argatëve tjerë që ju kanë ndihmu, edhe tonët prej ktuhit dhe tashti ta shohim kush ka interes me i ba publike kto dhe pa bazuar se kujt i shkaktojnë dëm këto dosje“, tha Berisha.

Berisha the se personat që do të dëmtohen nga dosjet janë ata që do të kenë aktakuza.

“Dëmin e vetëm nga këto dosje e pësojnë të gjithë ata që pritet me pasë aktakuzë, me peshë, personat që kanë pasë përgjegjësinë më të lartë“,tha Berisha, ai shtoi se OVL e UÇK, kur ju kanë dalë dosje nuk kanë ditë çka me ba e ia kanë dhënë mediave, kaq kanë mundur me vepru sipas tij.

“Nuk është pritë ma shumë, sepse nuk ishin njerëz që kanë studiu kriminalistikë, as hetues“, shtoi Berisha.

Dosjet sipas Berishës u sollën ose nga intelegjenca serbe ose nga ndonjë vend tjetër që nuk ia do të mirën Kosovës

“Këto dosje i ka pru ai që ka dashtë me iu ba dëm njerëzve që kanë me u paditë, për mua adresa e tyre ose është intelegjenca e Serbisë ose ndonjë intelegjencë ndërkombëtare që nuk ia do të mirën Kosovës dhe ka qejf me dëmtu“, përfundoi Berisha.

Continue Reading

News

A do ta votojnë LDK, PDK e Nisma Ramush Haradinajn për president, ja çfarë thotë Baton Haxhiu

Published

on

Gazetari Baton Haxhiu shprehet i bindur që Ramush Haradinaj nuk do të marrë votat e PDK’së, LDK’së e Nismës për tu zgjedhur president.

Sipas tij, këto tri subjekte politike i kadhë dhënë në të kaluarën të parit të AAK’së postin e kryeministrit, dhe nuk do të veprojnë sërish njësoj.

Reshje bore në zona të larta malore? Ky është parashikimi i motit për dy ditët e ardhshme

“PDK, LDK dhe NISMA përveç VV’së e kanë përfunduar të mirën dhe borxhin ndaj Ramush Haradinajt. Të dyjat ia kanë dhënë kryeministrin me një përqindje të paktë të votave. S’janë borxhlinj ndaj Haradinajt”, tha Haxhiu.

“Unë nuk besoj që këto të trija do t’ia japin votën Ramush Haradinajt”, theksoi ai.

Haxhiu mendon se nëse fitojnë zgjedhjet, qeveria e re do të mund të krijohej në mes të VV’së dhe AAK’së.

“Unë më shumë besoj që Vetëvendosja dhe AAK do të jenë partnerë të ardhshëm në qeverisje, gati të sigurt pa marrë parasysh se sharjet janë publike. Dy figura siç janë Albin Kurti dhe Ramush Haradinaj janë të paparashikueshëm në pragmatizëm dhe unë e besoj se këto të dyja mund të bëjnë qeverinë nëse fitojnë”, tha Haxhiu.

Continue Reading

News

Arrestimet e fundit nga Specialja: Kjo është prognoza e Baton Haxhiut

Published

on

Gazetari Baton Haxhiu ka thënë në emisionin Pressing se arrestimet e fundit nga Specialja ndaj liderëve të OVL-UÇK’së është një spektakël dhe një arsyetim.

Nasim Haradinaj dhe Hysni Gucati janë arrestuar javën e kaluar dhe janë dërguar në Hagë, ndërsa Haxhiu thotë se janë arsyetim për publikimin e propozim aktakuzës ndaj presidentit Hashim Thaci, në mënyrë që t’i ndalohet rruga për të shkuar në Uashington që të kryejë një marrëveshje me Serbinë.

“Pse nuk ka asnjë arrestim brenda Tribunalit për rrjedhje të dosjeve”, thotë ai.

“Dikush duhet të marrë përgjegjësi për rrjedhje të dosjeve brenda Tribunalit. Mendoj se është bërë gabim me konferencën për shtyp. Kur u publikua propozimi i aktakuzës për Thacin kishte edhe atë deklaratën për pengim të drejtësisë. Këtë kanë dashur ta tregojnë edhe me këtë aksionin e fundit. kanë dashur ta arsyetojnë këtë disi. Nuk e shoh asnjë arsye tjetër të kësaj katrahure, ose këtij spektakli të uniformuar kur mandati i EULEX’it nuk ekziston më. Me cilat uniforma janë arrestuar të dyshuarit. SPO. Ku ka polici Gjykata Speciale? Më tregoni një dokument. Ata persona me uniforma janë të paligjshëm. Të gjithë shqiptarët kanë shkuar në Hagë pa bërë probleme, me një thirrje. Por është dashur një spektakël i tillë”, shton Haxhiu.

Continue Reading

Trending